പരീക്ഷകളും അഭിമുഖങ്ങളും പുനരാരംഭിക്കാൻ പി.എസ്.സി.

തിരുവനന്തപുരം :- സർക്കാരുമായി കൂടിയാലോചിച്ച് പരീക്ഷകളും അഭിമുഖങ്ങളും ജൂലാ യിൽ പുനരാരംഭിക്കാൻ പി.എസ്.സി. യോഗം തീരുമാനിച്ചു. ജൂൺ 30 വരെയുള്ള പരീക്ഷ കളും അഭിമുഖങ്ങളുമാണ് പി.എസ്.സി. മാറ്റി വെച്ചിട്ടുള്ളത്. പത്താംതലം പ്രാഥമിക പരീക്ഷ യുടെ അവസാനഘട്ടം ജൂലായ് മൂന്നിന് നടത്താൻ തീരുമാനിച്ചിട്ടുണ്ട്. അതിന്റെ അഡ്മിഷൻ ടിക്കറ്റ് ജൂൺ 21 മുതൽ ലഭ്യമാക്കും.

ബിരുദതല പ്രാഥമിക പരീക്ഷ, പട്ടികജാതി വികസന ഓഫീസർ പരീക്ഷ തുടങ്ങിയവയും മാറ്റിവെച്ചതാണ്. ഇവ നടത്താൻ സ്കൂളുകളുടെയും അധ്യാപകരുടെയും സേവനം ആവശ്യമുണ്ട്. അത് ഉറപ്പുവരുത്തി ജൂലായിൽ ത്തന്നെ ഇവ നടത്താനാണ് ആലോചിക്കു ന്നത്. കോവിഡ് മാനദണ്ഡങ്ങൾ കുറേക്കൂ ടി കർശനമാക്കി അഭിമുഖങ്ങൾ ആരംഭിക്കാ നും തീരുമാനിച്ചു. അടിയന്തരമായി നടത്തണ്ട ആരോഗ്യമേഖലയിലെ നിയമനങ്ങൾക്ക് അഭിമുഖം ഒഴിവാക്കി റാങ്ക് പട്ടിക വേഗം പ്രസിദ്ധീകരിക്കും.

അസിസ്റ്റൻറ് ഇൻഫർമേഷൻ ഓഫീസർ നിയമനത്തിനുള്ള ചുരുക്കപ്പട്ടിക പ്രസിദ്ധീക രിക്കാൻ അനുമതി നൽകി. മുഖ്യപട്ടികയിൽ 60 പേരെ ഉൾപ്പെടുത്തും. ആനുപാതികമായി സംവരണ വിഭാഗങ്ങൾക്കുള്ള ഉപ പട്ടി കയും തയ്യാറാക്കും. അഭിമുഖത്തിനുശേഷം റാങ്ക്പട്ടിക പ്രസിദ്ധീകരിക്കും. കാസർകോട് ജില്ലയിൽ ഹൈസ്കൂൾ ടീച്ചർ (സംസ്കൃതം എൻ.സി.എ. (പട്ടികജാതി, മുസ്ലിം), കണ്ണൂർ കാസർകോട് ജില്ലകളിൽ ഹൈസ്കൂൾ (സോഷ്യൽ സയൻസ്) എൻ.സി.എ (നാടാർ, പട്ടിക വർഗം) എന്നീ വിജ്ഞാപന ങ്ങളുടെ അപേക്ഷകർക്ക് ഓൺലൈൻ പരീക്ഷ നടത്താൻ ധാരണയായി.

ഉത്തരക്കടലാസ് പുനഃപരിശോധന ഫോട്ടോകോപ്പി ലഭ്യമാക്കാനുമുള്ള കാലധി 30-നുള്ളിൽ അവസാനിക്കുന്നവയ്ക്ക് ജൂൺ 15 വരെ അപേക്ഷിക്കാൻ സമയം അനുവദിച്ചു. അടച്ചിടൽ പ്രഖ്യാപിച്ച മേയ് എട്ടുമുതൽ 30 വരെയുള്ള കാലയളവിൽ അവസാന തീയതി വരുന്നവയ്ക്കാണ് ഇളവ് നൽകുന്നത്.